Արմեն Մովսիսյան. Սաղ-սաղ 50 տարեկան եմ, գլուխս ուտե՞լ եք ուզում
ԱԺ ԲՀԿ խմբակցության պատգամավոր Գուրգեն Արսենյանն այսօր ԱԺ-ում տեղի ունեցած լսումների ժամանակ հայտարարեց, թե գազի պարտքի մասին գաղտնի պահելու կառավարության վերաբերմունքը ոչ այլ ինչ էր, քան արհամարհանք խորհրդարանի և հանրության նկատմամբ: Դիմելով ՀՀ էներգետիկայի և բնական պաշարների նախարար Արմեն Մովսիսյանին՝ Գուրգեն Արսենյանը հորդորեց զգույշ մնալ այս կառավարությունից: «Զգույշ եղեք այս կառավարությունից, ձեր գլուխն ուտելու է այս կառավարությունը»,- զգուշացրեց պատգամավորը:
Մի քանի լրագրողների հետ զրույցում՝ ի պատասխան այն հարցին, թե ինչո՞վ է պայմանավորված նախարարի պաշտոնում իր երկարակեցությունը, Արմեն Մովսիսյանն այսպես արձագանքեց. «Սաղ-սաղ 50 տարեկան եմ, գլուխս ուտե՞լ եք ուզում»:
