Ցուցարարները փաստաթուղթը հանձնեցին ՍԴ աշխատակազմի ղեկավարին
Ինչպես տեղեկացրել էինք, «Ընդդեմ պարտադիր կենսաթոշակային վճարների» քաղաքացիական նախաձեռնության անդամները երթով հասել են Սահմանադրական դատարան, որպեսզի հանձնեն փաստաթուղթը՝ պարտադիր բաղադրիչը հանելու պահանջով։
Քիչ առաջ ակտիվիստներին մոտեցավ ՍԴ աշխատակազմի ղեկավար Առուշան Հակոբյանը, որնին և հանձնեցին փաստաթուղթը։ Ի պատասխան մեր հարցին, թե երբ կլինի պատասխանը, Ա. Հակոբյանը նշեց, որ դիմումը ընդունելուց հետո դատարանը սահմանված կարգով կպատասխանի դրան։ Իսկ հնարավո՞ր է, որ ՍԴ-ն այս անգամ խախտի ձևավորված ավանդույթը խախտի և բավարարի ակտիվիստների պահանջը։ Ա. Հակոբյանը նշեց, որ չի կարող պատասխանել այդ հարցին։ Նա կրկին շեշտեց, որ դիմումը դեռ չի ընդունվել, նոր է ընդունվում, ուստի որևէ բան ասել այս պահին հնարավոր չէ։
