Իլհամ Ալիևը Ղարաբաղի հարցը քննարկել է ԵԱՀԿ Մինսկի խմբի համանախագահների հետ
Ադրբեջանական Regnum լրատվական գործակալության փոխանցմամբ՝ Ադրբեջանի նախագահ Իլհամ Ալիևը դեկտեմբերի 15-ին ընդունել է ԵԱՀԿ Մինսկի խմբի համանախագահներ Իգոր Պոպովին (Ռուսաստան), Ջեյմս Ուորլիքին (ԱՄՆ) ու Ժակ Ֆորին (Ֆրանսիա), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրշիկին:
Այս մասին հայտնել է Ադրբեջանի նախագահի մամուլի ծառայությունը: Վերջինիս հաղորդմամբ՝ հանդիպման ժամանակ կողմերը քննարկել են տարածաշրջանի ներկայիս իրավիճակը և Ղարաբաղյան հակամարտության կարգավորման շուրջ բանակցային գործընթացի հեռանկարները:
