Չինաստանը դարձել է Լուսնի մակերևույթին տիեզերական սարք իջեցրած երրորդ երկիրն աշխարհում
Ամերիկյան The Associated Press լրատվական գործակալության փոխանցմամբ՝ չինական «Յույտու» (Լուսնային նապաստակ) լուսնագնացը դեկտեմբերի 14-ին հաջողությամբ իջել է Լուսնի մակերևույթի վրա: Այս մասին հայտնել է Չինաստանի պետական հեռուստատեսությունը:
Վերջինիս հաղորդմամբ՝ չինական լուսնագնացն իջել է Անձրևների ծովի Ծիածանի ծովածոցի խառնարանում: Լուսնագնացն աշխատելու է երեք ամիս, այն հագեցած է արևային մարտկոցներով, նավիգացիոն ու համայնապատկերային տեսախցիկներով, ռենտգենային ու ինֆրակարմիր սարքերով:
Չինաստանը պլանավորել է 2020 թվականին երկիր բերել լուսնային գրունտ: Չինաստանը դարձել է ԱՄՆ-ից ու ԽՍՀՄ-ից հետո երրորդ երկիրը, ով հաջողությամբ տիեզերական սարք է իջեցրել Լուսնի մակերևույթին:
