10-ամյա ընդմիջումից հետո Իտալիայի արտգործնախարարը վերստին կայցելի Իրան
Իրանական Press TV հեռուստաալիքի փոխանցմամբ՝ Իտալիայի արտգործնախարար Էմմա Բոնինոն պաշտոնական այցով դեկտեմբերի 21-22-ին ժամանելու է Իրան: Այս մասին հայտարարել է Իտալիայի ԱԳՆ-ը:
Վերջինիս հաղորդմամբ՝ իր իրանական այցի շրջանակներում Իտալիայի արտգործնախարարը հանդիպումներ է անցկացնելու Իրանի պաշտոնատար անձանց հետ: Բոնինոյի այցը կդառնա Իտալիայի արտգործնախարարի առաջին այցը վերջին 10 տարվա ընթացքում:
Այս տարվա օգոստոսին Իրան էր այցելել Իտալիայի փոխարտգործնախարար Լապո Պիստելին:
