Սերգեյ Լավրովի իրանական այցը պլանավորված է դեկտեմբերի 10-11-ին
Ռուսական РИА Новости լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովի իրանական այցը պլանավորված է դեկտեմբերի 10-11-ին: Այս մասին հայտնել է Ռուսաստանի ԱԳՆ-ի մամուլի և տեղեկատվության դեպարտամենտը:
Վերջինիս հաղորդմամբ՝ Լավրովի իրանական այցը մասնավորապես կապված է Իրանի միջուկային ծրագրի կարգավորման հետ՝ ոչ վաղ անցյալում Ժնևում ձեռք բերված պայմանավորվածոթյունների համատեքստում: Բացի այդ, պլանավորված է, որ Լավրովի իրանական այցի շրջանակներում քննարկվելու են երկկողմանի հարաբերություններն ու տարածաշրջանային խնդիրները:
Հիշեցնենք, որ Իրանի նավթարդյունաբերության նախարար Բիժան Զանգանեն հայտարարել է, որ Իրանը պատրաստ է սանձազերծել գնային պատերազմ. մեծացնել նավթի արդյունահանումը և արտահանումը, անգամ եթե մեկ բարել նավթի գինը նվազի մինչև 20 դոլարի: Սա չի կարող չանհանգստացնել նավթ արտահանող Ռուսաստանին (Ադրբեջանին նույնպես):
