Վրաստանի նախագահի աշխաավարձի չափը կրկնապատկվում է
Грузия Online-ի փոխանցմամբ՝ Վրաստանի նախագահի աշխաավարձը կրկնապատկվում է, այժմ նա, ամսական 4500 լարիի փոխարեն, ստանալու է 9000 լարի (մոտ 5300 դոլար): Այս մասին երեկ լրագրողների հետ զրույցում հայտարարել է Վրաստանի ֆինանսների նախարար Նոդար Խադուրին:
Վերջինս ընդգծել է, որ ի տարբերություն նախկին նախագահ Միխեիլ Սաակաշվիլիի՝ Գեորգի Մարգվելաշվիլիի համար ամսական աշխատավարձը հանդիսանալու է եկամտի միակ աղբյուր. «Նախագահի աշխատակազմում պլանավորված են կարևոր փոփոխություններ, այդ թվում նաև կրճատումներ: Այն այլևս չի ունենա այդչափ գործառույթներ, հետևաբար ռեսուրսը լիովին բավական կլինի աշխատանքի համար:
Նախագահի աշխատավարձի մեծացումը լիովին հնարավոր է առկա ֆինանսավորման շրջանակներում: Նախկին նախագահի կատարած բազմաթիվ ծախսերն այլևս չեն լինի և համապատասխանաբար կլուծվի նախագահի աշխատավարձի հարցը: Նշեմ, որ 9000 լարիից նախագահին մաքուր կհասնի 7200 լարին (մոտ 4200 դոլար)»:
