Ռուսաստանն անհրաժեշտ տեխնիկա կհատկացնի Սիրիային՝ քիմիական զենքի ոչնչացման համար
Ռուսական РИА Новости լրատվական գործակալության փոխանցմամբ՝ Ռուսաստանը Սիրիային ներկայացնելու է անհրաժեշտ տեխնիկա՝ քիմիական զենքի ոչնչացման ծրագրի շրջանակներում մի շարք քայլեր ձեռնարկելու համար: Այս մասին երեկ լրագրողների հետ զրույցում հայտարարել է ՄԱԿ-ում Ռուսաստանի մշտական ներկայացուցիչ Վիտալի Չուրկինը:
Վերջինիս խոսքերով՝ դա կօգնի լուծել Սիրիայի քիմիական զինաթափման համար նյութական միջոցների անբավարարության խնդիրը: ԱՄՆ-ը սիրիական քիմիական զենքի ոչնչացմամբ զբաղվելու է ծովում (նավում): Սիրիայի քիմիական զենքը երկրից պետք է ամբողջովին դուրս բերվի մինչև դեկտեմբերի 31-ը:
