Ուկրաինան եւ ԵՄ-ն ասոցացման համաձայնագիր կստորագրեն 2014թ. գարնանը
Ուկրաինան եւ Եվրամիությունը ասոցացման համաձայնագիր կստորագրեն 2014թ. գարնանը, հաղորդում է «Украинская правда»-ն: Այդ մասին պարբերականին հայտնել են Վիլնյուսում Արեւելյան գործընկերության գագաթնաժողովի աղբյուրները:
Նրանց տեղեկություններով` գագաթնաժողովում համաձայնեցվում է ԵՄ երկրների եւ Ուկրաինայի համատեղ հայտարարության տեքստը`ասոցացման համաձայնագիրը չստորագրելուց հետո ԵՄ-ի եւ Ուկրաինայի հետագա փոխհարաբերությունների վերաբերյալ:
Հաղորդվում է, որ կողմերը մտադիր են ասոցացման համաձայնագիր ստորագրել Ուկրաինա-ԵՄ հաջորդ գագաթնաժողովի ընթացքում, որը նախատեսվում է անցկացնել 2014թ. փետրվար-մարտին:
