Թուրքիայում Եգիպտոսի դեսպանը persona non grata է հայտարարվել
Թուրքիայում Եգիպտոսի դեսպան Աբրուռահման Սելահադդինը հայտարարվել է «persona non grata», հաղորդում է РИА Новости-ն` վկայակոչելով Թուրքիայի արտաքին գործերի նախարարության հաղորդագրությունը:
«Իրավիճակի զարգացման հետ կապված դեսպանի ժամանակավոր պաշտոնակատարը հրավիրվել է Թուրքիայի ԱԳՆ: Նրան փոխանցվել է, որ մեր դիվանագիտական հարաբերությունների մակարդակը նվազել է: Բացի այդ, ավելի վաղ խորհրդակցությունների նպատակով Անկարան լքած Եգիպտոսի դեսպան Սելահադդինը հայտարարվում է «persona non grata»,-հայտնել են Թուրքիայի ԱԳՆ-ից: Նշվում է նաեւ, որ թուրք դեսպանը Եգիպտոսը կլքի նոյեմբերի 29-ին:
Թուրքիայի արտաքին քաղաքական գերատեսչությունը թուրք-եգիպտական դիվանագիտական ճգնաժամի համար պատասխանատու է համարում Եգիպտոսի ժամանակավոր կառավարությանը:
