Պուտինի ինքնաթիռը իջնելու է Գյումրիի օդանավակայանում
«Հայկական Ժամանակը» գրում է. ՌԴ նախագահ Պուտինի՝ դեկտեմբերի 2-ին Հայաստան կատարելիք այցի օրակարգում ամենածանրակշիռ դերը հատկացվելու է Գյումրիում տեղակայված ռուսական 102 ռազմաբազային։ Նույնիսկ, ըստ ստացված տեղեկությունների, Պուտինի ինքնաթիռը իջնելու է Գյումրիի օդանավակայանում։ Երևան նա գալու է Գյումրիից հետո։ Աոաջին հայացքից սա թվում է զուտ արտաքին քաղաքական «էկզոտիկա»։ Իրականում, սակայն, ՌԴ նախագահի այցի նման օրակարգը ամենևին պատահական չէ և իր մեջ հզոր «մեսիջ է» պարունակում։ Գյումրիում է տեղակայված ՌԴ զինուժի 102-րդ ռազմաբազան։ Այն միակն է Հարավային Կովկասում և ներկայում անասելի տեմպերով ընդլայնվում Է, և եթե սա շարունակվի,Գյումրին շուտով ամբողջությամբ կդառնա «վայեննի գառադոկ»։ Վերջին շրջանում ՀՀ իշխանությունները 102-րդ ռազմաբազայի տիրապետությանն են հանձնում Գյումրիի ամբողջական թաղամասեր։ Հանճարեղ դիվանագետ պետք չէ լինել հասկանալու, որ սրանով Պուտինը կարևորում է ռուսական ռազմաբազայի ղերը ՌԴ-ի համար։ Բայց միևնույն ժամանակ, սրանով Պուտինը առանձնահատուկ կարգավիճակ է տալիս այդ ռազմաբազային հայ-ռուսական հարաբերությունների ծիրում։ Եթե մի կողմ թողնենք դիվանագիտական ձևակերպումները, ապա կստացվի հետևյալը. Պուտինը բոլորին ցույց է տալիս, որ Հայաստանում իրեն աոաջին հերթին և հիմնականում հետաքրքրում Է Ռուսաստանի ռազմական ներկայությունը։ Եվ հայ-ռուսական հարաբերությունների հիմնական բովանդակային բաղադրիչը հենց դա է։ Մնացած բաղադրիչները արդեն, ինչպես ասում են, «ձեոքի հետ»։
Հոդվածն ամբողջությամբ կարդացեք «Հայկական Ժամանակի» այսօրվա համարում
