Երևանում գայլ են որսացել

Երեւանում նոյեմբերի 19-ին արտակարգ դեպք է գրանցվել։ Ժամը 15:00-ի սահմաններում թափառող կենդանիների դեմ պայքարով զբաղվող «Յունիգրաֆ իքս» ՍՊԸ-ն Հ2 հեռուստաընկերությունից եւ բնակիչներից Սիլիկյան թաղամասում ագրեսիվ թափառող կենդանիների մասին ահազանգեր է ստացել։

Ընկերության մասնագիտացված խումբը զանգից 10 րոպե անց դեպքի վայրում էր, որտեղ եւ «Յունիգրաֆ իքսի» աշխատակիցները որսացել են գայլ, որը տեղափոխվել է ընկերության կլինիկա։

Մասնագետի գնահատականով՝ գայլը մոտ 1 տարեկան էր։

Տուժածներ չկան։