Lamborghini-ի ոսկյա մոդելը Դուբայում վաճառքի է հանվել 350.000 դոլարով
Gulf News-ի փոխանցմամբ՝ Դուբայում վաճառքի է հանվել աշխարհի ամենաթանկարժեք ավտոմեքենայի մոդելի նախատիպը: Խոսքը գնում է ոսկեջրված և ադամանդներով զարդարված Lamborghini Aventador LP 4-700-ի մասին, որի դիզայնով զբաղվել են գերմանացի մասնագետները: Այդ ավտոմեքենան մտնելու է Գինեսի ռեկորդների գրքի մեջ՝ որպես աշխարհի ամենաթանկարժեք մոդել: Նրա նախատիպի արժեքը կազմում է 350.000 դոլար:
Օրիգինալ մոդելը պատրաստվելու է 500 կիլոգրամ ոսկու ձուլակտրոից և զարդարվելու է 2000 ադամանդով և թանկարժեք այլ քարերով: Ապագա մոդելն արդեն արժենալու է 7.4 միլիոն դոլար: Նրա արտադրությունը կմեկնարկի այն ժամանակ, երբ Դուբայում գնորդ կգտնվի նրա նախատիպի համար:
