Լոս Անջելեսի օդանավակայանում կրակոցներ են հնչել. մեկ մարդ զոհվել է, յոթը` վիրավորվել
Լոս Անջելեսի օդանավակայանում այսօր երեկոյան կրակոցներ են հնչել. մեկ մարդ զոհվել է, տեղեկացնում է ամերիկյան ABC-ին:
Ավելի վաղ հաղորդվել էր, որ օդանավակայանի տերմինալներից մեկում հնչած կրակոցների պատճառով ոստիկանությունն սկսել է տարհանել ուղեւորներին եւ աշխատակիցներին:
Այնուհետեւ ոստիկանները ձերբակալել են ենթադրյալ հանցագործին: Նրա հանցակիցները որոնվում են:
Փոխհրաձգության ժամանակ տուժել է նաեւ ձերբակալվածը: Վիրավորվել է յոթ մարդ, որոնցից վեցը տեղափոխվել են հիվանդանոց, իսկ զոհվածն անվտանգության ծառայության աշխատակից է եղել:
