Իրանը մտադիր է արտադրել քաղաքացիական լայնարձակ ինքնաթիռներ
Իրանական Fars լրատվական գործակալության փոխանցմամբ՝ Իրանը մտադիր է արտադրել լայնարձակ ինքնաթիռներ: Այս մասին հայտարարել է Իրանի պաշտպանության նախարար Հոսեին Դեհգանը:
Վերջինիս խոսքերով՝ կառավարությունն արդեն իսկ ընդունել է քաղաքացիական ավիացիայի համար լայնարձակ ինքնաթիռների արտադրություն սկսելու մասին որոշումը:
Այդ ինքնաթիռներն ունենալու են 150 և ավելի ուղևոր: Դեհգանի խոսքերով՝ իրանական մի շարք համալսարաններ ՊՆ-ի հետ փոխգործակցությամբ արդեն իսկ ստեղծել են տարբեր դասի օդանավերի նախատիպեր:
