Սիրիայի քրդերն ապստամբներին մեղադրել են իրենց դեմ քիմիական զենք կիրառելու մեջ
Լիբանանյան Al Mayadeen հեռուստաալիքի փոխանցմամբ՝ Սիրիայի ապստամբները երեկ ենթադրաբար թունավոր նյութերով արկ են կիրառել երկրի հյուսիս-արևելյան հատվածում քուրդ աշխարհազորայինների դեմ մարտի ժամանակ: Այս մասին հեռուստաալիքին հայտնել է նրա քրդական աղբյուրը:
Միջադեպը գրանցվել է Թուրքիայի սահմանին ընկած Ռաս-ալ-Այն քաղաքի մոտ: Արկի պայթյունից հետո օդ է բարձրացել դեղին ծուխ, իսկ քուրդ աշխարհազորայինների շարքերում գրանցվել են փսխումներ, ինչը բնորոշ է քիմիական զենքից տուժածներին:
Վերջին օրերին Ռաս-ալ-Այնում մարտեր են ընթացնում քրդերի և «Ալ-Քաիդայի» հետ կապված «Ջաբհաթ ալ-Նուսրա» և «Իրաքում ու Լևանտում իսլամական պետություն» խմբավորումների զինյալների միջև:
