Հոլանդիայում հայտնաբերվել է Երկրորդ համաշխարհայինի ժամանակ նացիստների կողմից խլված 139 կտավ
Թանգարանների նիդեռլանդական ասոցիացիան հայտարարել է, որ իրենց աշխատակիցների կողմից հայտնաբերվել է 139 կտավ, որոնք նացիստները խլել են երկրորդ համաշխարհայինի ժամանակ, հաղորդում է Associated Press-ը:
Գործակալության տվյալներով` նկարները գտնվել են հոլանդական թանգարաններում զանգվածային գույքագրումից հետո: Արդեն պարզվել է, թե ում են պատկանել գողացված կտավներից առնվազն 60 -ը:
Հայտնաբերված նկարների թվում են Մատիսի, Քլեի, Կանդինսկու գործերը: Ավելի վաղ Լեհաստանում հայտնաբերվել էր Ռաֆայելի «Պատանու դիմանկար» կտավը, որը նույնպես գողացվել էր նացիստների կողմից:
