Խոշորների վճարած հարկերն աճել են 21.4%-ով
ՀՀ ԿԱ Պետական եկամուտների կոմիտեն հրապարակել է 2013 թվականի հունվար-սեպտեմբեր ամիսների ընթացքում առաջին 1000 խոշոր հարկատուների ցանկը։
Իր վճարած 26.3 միլիարդ դրամով առաջին տեղում է Զանգեզուրի պղնձամոլիբդենային կոմբինատը։ Նրան հաջորդում են «ՀայՌուսգազարդը» (25.3 միլիարդ) և «Ղ-Տելեկոմը» (22.3 միլիարդ)։
1000 խոշոր հարկատուները միասին այս տարվա առաջին 9 ամիսների ընթացքում վճարել են 479.8 միլիարդ դրամի հարկեր և տուրքեր։ Նախորդ տարվա նույն ժամանակահատվածի համեմատ այս ցուցանիշը աճել է 84.9 միլիարդ դրամով կամ 21.4%-ով։
Հավաքագրված հարկերի 239 միլիարդը (49.8%) անուղղակի հարկերն են։
