Բաշար Ասադը կարող է իր ներդրումն ունենալ նոր Սիրիայի կառուցման գործում. Բրահիմի
Jen-afrique շաբաթաթերթին տված հարցազրույցի ժամանակ Սիրիայի գծով ՄԱԿ-ի ու ԱՊԼ-ի հատուկ ներկայացուցիչ Լախդար Բրահիմին հայտարարել է, որ Սիրիայի նախագահ Բաշար Ասադը կարող է իր ներդրումն ունենալ նոր Սիրիայի կառուցման գործում:
Միջնորդական առաքելությամբ Դամասկոս ժամանած ալժիրցի դիվանագետը հայտարարել է, որ նկատի ունի Ասադի դերը դինաստիական վարչակարգից նոր հանրապետությանն անցում կատարելու գործընթացում:
Բրահիմիի խոսքերով՝ քիմիական զենքի ոչնչացման շուրջ ռուս-ամերիկյան պայմանավորվածությունն Ասադին վերածել է գործընկերոջ և ամրապնդել է նրա համակիրների դիրքերը: Բրահիմին ընդգծել է, որ Ասադի շրջապատը ցանկանում է, որ նա իր թեկնածությունն առաջադրի 2014 թվականի նախագահական ընտրություններում:
