Նազարբաևը Մինսկում առաջարկել է Մաքսային միության շարքերն ընդունել Թուրքիային
Ռուսական Regnum լրատվական գործակալության փոխանցմամբ՝ Ղազախստանի նախագահ Նուրսուլթան Նազարբաևը Մինսկում ընթացող Եվրասիական տնտեսական բարձրագույն խորհրդի նիստում առաջարկել է Մաքսային միության շարքերն ընդունել Թուրքիային.
«Թուրքիայի նախագահը դիմել է ինձ՝ խնդրելով թույլ տալ մուտք գործել մեր Մաքսային միության մեջ: Եկեք ընդունենք նաև Թուրքիային: Երբ ես գտնվում եմ արտասահմանում, ինձ հաճախ են դիմում այն հարցով, որ մենք ստեղծում ենք ԽՍՀՄ կամ էլ Ռուսաստանի ներքո որևէ բան: Թուրքիան մեծ երկիր է, հնարավոր է՝ նրա ընդունմամբ վերջ կտրվի այդպիսի խոսակցություններին»:
