Թուրքիայում առաջին փուլում վաղաժամ զորացրվելու է 70.000 զինծառայող
Թուրքական Anadolu լրատվական գործակալության փոխանցմամբ՝ այն բանից հետո, ինչ Թուրքիայում ընդունվեց պարտադիր զինվորական ծառայության ժամկետի կրճատման մասին օրենքը, առաջին փուլում զորացրվելու է 70.000 զինծառայող:
Դա տեղի կունենա երկրի Գլխավոր շտաբի համապատասխան հրամանի հրապարակումից հետո: Ավելի վաղ Գլխավոր շտաբը հայտնել էր, որ երկրի կառավարության հետ պայմանավորվել է պարտադիր զինծառայության ժամկետը 15 ամսից մինչև 12 ամսվա կրճատելու մասին:
Միևնույն ժամանակ բուհերի շրջանավարտների համար ժամկետը մնացել էր անփոփոխ՝ 6 ամիս:
Հիշեցնենք, որ ավելի վաղ հաղորդվել էր, թե պարտադիր զինծառայության ժամկետի կրճատման հետ կապված Թուրքիայում վաղաժամ զորացրվելու է 280.000 զինծառայող:
