Իրաքի հյուսիսում պայթյուն է գրանցվել. կա 15 զոհ
France-Presse լրատվական գործակալության փոխանցմամբ՝ այսօր Իրաքի հյուսիսում պայթյուն է գրանցվել, ինչի հետևանքով զոհվել է առնվազն 15 մարդ:
Ահաբեկչությունը գրանցվել է Նեյնավա նահանգի գյուղերից մեկում, որը գերազանցապես բնակեցված է շիաներով: Այստեղ մահապարտ-ահաբեկիչը պայթեցրել է պայթուցիկով լի ավտոմեքենան: Վերջին շրջանում զգալիորեն սրվել են սուննիների ու շիաների հարաբերությունները:
Սադդամ Հուսեյնի կառավարման ժամանակ Իրաքի պետական կառույցներում գերակա դիրքեր ունեին սուննիները: Սակայն 2003 թվականին ԱՄՆ-ի ներխուժումից ու Սադդամ Հուսեյնի գահընկեցությունից հետո սուննիներին պետական կառույցներից դուրս մղեցին շիաները:
