Եվրամիությունում 2015թ-ից պարտադիր կլինի մսամթերքի արտադրության վայրի մակնշումը
Եվրամիությունում 2015 թ-ից պարտադիր կլինի մսամթերքի արտադրության վայրի մակնշումը, ինչը կարեւոր տեղեկություն է համարվում սպառողի համար, հաղորդում է BNS-ը:
Համաձայն շրջանառվող օրենքի նախագծի` առաջարկվում է մակնշման երեք տարբերակ` արտադրված է միսը ԵՄ-ում, թե ոչ, կենդանու բուծման երկիրն ու մորթի վայրը, ինչպես նաեւ կենդանու ծնվելու վայրը: Ներկայումս ԵՄ-ում պարտադիր մակնշման են ենթակա մեղրը, հորթի միսը, բանջարեղենը, միրգը, ձկնեղենը, ներկրված թռչնամիսն ու էկոլոգիապես մաքուր սննդամթերքը:
