Հայտնի են Քիմիայի Նոբելյան մրցանակակիրները
![](https://168.am/wp-content/uploads/2013/10/nobel_1-jpg20131009141139.jpg)
Ռուսական Интерфакс լրատվական գործակալության փոխանցմամբ՝ Շվեդիայի Գիտությունների թագավորական ակադեմիան այսօր հայտնել է Քիմիայի Նոբելյան մրցանակ – 2013-ի հաղթողների անունները:
Հեղինակավոր այդ պարգևին արժանացել են պրոֆեսոր Մարտին Կարփլուսը (Ստրասբուրգի, Հարվարդի ու Քեմբրիջի համալսարաններ), պրոֆեսոր Մայքլ Լևիթը (Սթենֆորդի համալսարան) և պրոֆեսոր Արիեհ Վարշելը (Հարավային Կարոլինայի համալսարան):
Գիտնականներն աչքի են ընկել քիմիական համակարգի համալիրների բազմամասշտաբ մոդելների զարգացման հարցում: 1970-ական թվականներին նրանք դրել են համակարգչային հզոր ծրագրերի հիմքը, որոնք օգտագործվում են քիմիական գործընթացների հետազոտման ու կանխատեսման համար: Այդ ծրագրերը կարող են հետևել քիմիական ռեակցիաների փոքրագույն իսկ փոփոխություններին: