Ես չէի նկարի իմ քվեաթերթիկը, տպավորություն է, որ մարդիկ պետք է ապացուցեն, որ իրենք ուղտ չեն
ԱԺ ՀԱԿ խմբակցության պատգամավոր Նիկոլ Փաշինյանը գլխավոր դատախազի ընտրություններից հետո հրապարակեց իր քվեաթերթիկը՝ ապացուցելու համար, որ ինքը դեմ է քվեարկել Գևորգ Կոստանյանի թեկնածությանը: Այսօր լրագրողների հետ ճեպազրույցում «Ժառանգություն» խմբակցության պատգամավոր Ռուբեն Հակոբյանը` անդրադառնալով Նիկոլ Փաշինյանի այդ քայլին, ասաց. «Նիլոն արել է այն, ինչ ճիշտ է գտել: Բայց ես չէի նկարի իմ քվեաթերթիկը: Տպավորություն է, որ մարդիկ պետք է ապացուցեն, որ իրենք ուղտ չեն և դրա համար եղանակներ են փնտրում: Յուրաքանչյուրն ինքն է ընտրում` ինչպես մատուցել իրեն: Բայց մեղադրելի ոչինչ չեմ տեսնում՝ դա ինքն է որոշել»:
Հիշեցնենք, որ Գևորգ Կոստանյանի թեկնածությունը ընդունվեց 103 կողմ, 3 դեմ ձայների հարաբերակցությամբ:
