Chrysler-ը ավելի քան 130 հազար «Jeep Grand Cherokee» է հետ կանչում
Ամերիկյան «Chrysler» ավտոարտադրողը, որը վերահսկվում է իտալական «Fiat» կոնցեռնի կողմից, չորեքշաբթի հայտարարել է ԱՄՆ-ից, Կանադայից, Մեքսիկայից եւ այլ երկրներից ավելի քան 132 հազար ամենագնաց «Jeep Grand Cherokee» հետ կանչելու մասին: Հետկանչի պատճառը ծրագրային ապահովման համակարգում նկատված խափանումներն են: Հետկանչման են ենթակա 2014 թ. մոդելները:
Chrysler-ը նշել է, որ առայժմ այդ անսարքության պատճառով տեղի ունեցած վթարների մասին հայտնի չէ, եւ խոստացել է անվճար կարգով վերացնել թերությունը:
Հաղորդվում է, որ այս տարի ընկերությունն արդեն մի քանի անգամ հայտարարել է որոշակի մոդելների հետկանչի մասին:
