«Կորտեժ». Ռուսական լյուքս դասի մեքենան կվաճառվի 2 միլիոնից ոչ պակաս (լուսանկարներ)
Հայտնի են դարձել որոշ մանրամասներ՝ ռուսաստանյան ներկայացուցչական դասի մեքենաների ստեղծման «Կորտեժ» նախագծի վերաբերյալ։ Արդյունաբերության նախարար Դենիս Մանտուրովի խոսքերով՝ նոր սեդանը կվճառառվի նվազագույնը 2 միլիոն ռուբլով (մոտավորապես 62 հազար դոլար)։ Այս մասին գրում է «Известия»-ն։
Ինչպես նշել է նախարարը, «Կորտեժը» նախատասված չի լինելու լայն զանգվածների համար։
«Այս նախագծի պիկին բոլոր մոդնֆիկացիների գծով նախատեսում ենք արտադրել առավելագույնը 15-20 հազար մեքենա՝ և սեդաններ, և ամենագնացներ, և ավտոբուսներ։ Մեր գլքավոր խնդիրն է՝ այդ ամենը հավաքել մեկ ընդհանուր պլատֆորմի վրա։ Միևնույն հիմքի վրա տարբեր թափքեր տեղադրելը հնարավորություն կտա մեծացնել արտադրության ծավալները, կնվազեցնի ծախսերը և հետևաբար՝ ինքնարժեքը», — ասել է նա։
Ինչպես արդեն նշվեց, մեքենաների գինը կսկսվի 2 միլիոն ռուբլուց։ Մանտուրը նշել է, որ մեքենան ոչ միջին խավի համար է նախատեսված, այլ ղեկավարների։ Իսկ ավելի կոնկրետ՝ «Սկսած նահանգապետի տեղակալից, եթե որպես օրինակ վերցնենք տարածքային իշխանության հիերարխիան», — ասել է նախարարը:
Մանտուրովը տեղեկացրել է, որ նախագծի գլխավոր իրականացնողը НАМИ-ն է։ Այդ ինստիտուտի հիմքի վրա է ձևավորվելու կոնստրուկտորների թիմը, որը զբաղվել է ամբողջ մոդելային շարքի նախագծմամբ։ Նախագծին մասնակցելու է նաև «Маруся» ընկերությունը՝ իր նախագծողներով և ճարտարագետներով։ Ինչ վերաբերում է սերիական արտադրությանը, ապա դիտարկվում են մի քանի տարբերակներ, այդ թվում՝ ЗИЛ-ը, АМО ЗИЛ-ը և ГАЗ.խմբի ընկերությունները։
Եվ վերջապես, «Կորտեժ» նախագծի շրջանակներում ստեղծված ավտոմեքենան հիմք կհանդիսանա երկրի նախագահի համար նախատեսված նոր սեդանի համար։ «Կօգտագործենք նույն պլատֆորմը, սակայն թափքը լրիվ այլ կլինի, քանի որ այդ դեպքում հատուկ պահանջներ գոյություն ունեն», — ասել է Մանտուրովը։
