Ըստ Մեդվեդևի՝ Ռուսաստանը լուրջ ճամփաբաժանի առջև է կանգնած

Ռուսաստանի Դաշնության վարչապետ Դմիտրի Մեդվեդևը Ведомости-ում հոդված է գրել ռուսաստանյան տնտեսության հեռանկարների մասին։

Մեդվեդևի կարծիքով՝ Ռուսաստանը գտնվում է ճամփաբաժանի առաջ և պետք է կարևոր քայլ կատարի առաջ։

Վարչապետի կարծիքով՝ երկիրը կարող է շարունակել չափազանց դանդաղ ընթացքը՝ գրեթե զրոյական տնտեսական աճով, և հայտնվել անդունդում։ Կամ պետք է քայլ առաջ կատարի՝ չնայած, որ նման տիպի ցանկացած քայլ ուղեկցվում է ռիսկերով։ Ընդ որում, եթե նախապատվությունը տրվի առաջին սցենարին, որը պարզապես մտայնություն է, թե դրանով հնարավոր է պահպանել արդեն ձեռք բերված բարեկեցության աստիճանը, ապա արդյունքը կարող է շատ ավելի վտանգավոր լինել։

Հոդվածն ավարտվում է լավատեսական նոտայով։ Մեդվեդևը նշել է, որ համարշխարհային տնտեսության բարդ իրավիճակը կարող է Ռուսաստանի համար պատմական հնարավորություն դառնալ՝ փոխել իր դերը աշխատանքի միջազգային բաժանման մեջ։ Սակայն առայժմ շատ ներդրողներ վախենում են իրենց գումարները ներդնել Ռուսաստանում։