Ֆինանսների նախարարութունը ճանաչվել է 2013 թվականի ամենահրապարակայինը
Ինֆորմացիայի ազատության կենտրոնը 2013 թվականի ամենահրապարակային գործող գերատեսչություն է ճանաչել ՀՀ ֆինանսների նախարարությանը:
Սեպտեմբերի 27-ին՝ տեղեկատվության ազատության միջազգային օրվա նախօրեին տեղի ունեցած մրցանակաբաշխության ընթացքում Ինֆորմացիայի ազատության կենտրոնն ամփոփեց “Ոսկե բանալի և ժանգոտ կողպեք” ամենամյա մրցույթի արդյունքները: Անկախ ժյուրիի կողմից սահմանված Ոսկե բանալին ֆինանսների նախարար Դավիթ Սարգսյանին հանձնեց Հայաստանում ԱՄՆ դեսպան Ջոն Հեֆերնը:
Ինֆորմացիայի ազատության կենտրոնի գնահատմամբ՝ ֆինանսների նախարարությունը այս մրցանակին արժանացել է թե ստացված հարցումներին լիարժեքորեն պատասխանելու, թե բյուջեի ծախսերն առավել թափանցիկ դարձնելու և պետական գնումների պայմանագրերն ամբողջությամբ հրապարակելու համար:
