15 օրից ԼՂՀ-ի օդանավերը պատրաստ կլինեն թռիչքներ իրականացնելու
15 օրից ԼՂՀ-ի ձեռք բերած օդանավերը տեխնիկապես պատրաստ կլինեն թռիչքներ իրականացնելու Ստեփանակերտի օդանավակայանից։ Այս մասին երեկ ՀԺ-ի թղթակցին հայտնել է ԼՂՀ քաղաքացիական ավիացիայի գլխավոր վարչության Դմիտրի Ադբաշյանը։
«15 օրից օդանավը զրոյական վիճակում կլինի, այսինքն տեխնիկապես պատրաստ կլինի թռիչքներ իրականացնելու համար»,– հայտնել է Քաղավիացիայի պետր՝ հավելելով, որ օդանավակայանը ևս վաղուց պատրաստ է օդանավ ընդունելուն և ճանապարհելուն։ Նա նշել է, որ հիմա օդանավը անցնում է տեխնիկական սպասարկման տեխզննում, որը իրականացնում է օդանավը արտադրող ձեռնարկությանը։ ՀԺ–ի թղթակցի հարցին՝ հնարավո՞ր է, որ 15 օրից այդքան սողասված թոիչքը իրականացվի, Քաղավիացիայի պետը խուսափել է պատասխանել. ասելով որ ինքը պատասխանատու է տեխնիկական խնդիրների համար։ ԼՂՀ կառավարությունից, սակայն, հայտնել են, որ 15 կամ 20 օր հետո թոիչք դժվար թե կայանա, հարցը պետք է քննարկվի և որոշում լինելու դեպքում՝ կհրապարակեն այն։ Ստեփանակերտի օդանավակայանը նախատեսվում էր գործարկել 2011թ. մայիսի 9-ին՝ Հաղթանակի օրը, որի աոաջին ուղևորը պետք էր լիներ Սերժ Սարգսյանը։
Այս մասին կարդացեք «Հայկական Ժամանակի» այսօրվա համարում։
