Ամերիկյան ռազմանավերը կշարունակեն մնալ Միջերկրական ծովի արևելյան հատվածում
Ռուսական ИТАР-ТАСС լրատվական գործակալության փոխանցմամբ՝ «Տոմահավկ» թևավոր հրթիռներով զինված ամերիկյան էսկադրոնային ականակիրները շարունակում են մնալ Միջերկրական ծովի արևելյան հատվածում և կարող են օգտագործվել Սիրիայում թիրախների խոցման համար, եթե նման հրաման արձակի ԱՄՆ նախագահ Բարաք Օբաման:
Պենտագոնի մամուլի ծառայությունը հայտնել է, որ երեկ ԱՄՆ պաշտպանության նախարար Չակ Հեյգելից հեռախոսազրույցով համապատասխան հրաման է ստացել այդ ռազմանավերից մեկի հրամանատարը:
Հեյգելը բարձր է գնահատել Միջերկրական ծովի արևելյան մասում տեղակայված ռազմանավերի ծառայությունը, որոնք պատրաստ են հրաման ստանալու դեպքում կատարել իրենց առջև դրված առաջադրանքները:
