Փրկարարները նկուղի հորից դուրս են բերել 38-ամյա տղամարդու դին
Սեպտեմբերի 1-ին՝ ժամը 22:58-ին, տեղեկություն է ստացվել, որ Լոռու մարզի Ստեփանավան քաղաքի Միլիոնի փողոցի տներից մեկի նկուղի հորում հայտնաբերվել է 1975թ. ծնված Ա. Կ.-ի դին, որին դուրս բերելու համար անհրաժեշտ է փրկարարների օգնությունը: Դեպքի վայր է մեկնել հրշեջ-փրկարարական ջոկատի օպերատիվ խումբը: ՀՀ արտակարգ իրավիճակների նախարարության տեղեկացմամբ՝ փրկարարները 2 մետր խորությամբ հորից դին դուրս են բերել:
