Թուրքիան համալրում է հակագազի իր պաշարները՝ կապված Սիրիայի հետ
Ամերիկյան Associated Press լրատվական գործակալության փոխանցմամբ՝ Թուրքիան գտնվում է մարտական պատրաստության վիճակում՝ կապված Սիրիայի հետ ընդհանուր սահմանից հնարավոր քիմիական հարձակման սպասումների հետ:
Ելնելով դրանից՝ Թուրքիան համալրում է սննդամթերքի ու հակագազի իր պաշարները: Այս մասին հայտնել է Անկարայի կառավարության Ճգնաժամային կենտրոնի ղեկավարությունը: Վերջինիս հաղորդմամբ՝ Սիրիային սահմանակից 7 շրջանների սահմանների երկայնքով բնակչության պաշտպանության համար պատրաստվել են հատուկ բունկերներ:
Բացի այդ, քիմիական զենքի գծով 100 մասնագետից բաղկացած խումբն ուղարկվել է սահմանամերձ գոտի՝ հետազոտելու համար քիմիական նախկին հարձակումների ցուցիչների առկայությունը:
