Թուրքիան ուղիղ չի մասնակցի Սիրիայի դեմ օդային ռազմական հարվածներին. Էրդողան
Թուրքական Zaman թերթի փոխանցմամբ՝ Թուրքիայի վարչապետ Ռեջեփ Էրդողանը երեկ գումարել է արտակարգ խորհրդաժողով՝ կապված Սիրիայում իրավիճակի սրման հետ:
Դրան մասնակցել են արտգործնախարար Ահմեթ Դավութօղլուն, պաշտպանության նախարար Իսմեթ Յըլմազը, ներքին գործերի նախարար Մուամմեր Գյուլերը, Ազգային հետախուզական կազմակերպության (MIT) ղեկավար Հաքան Ֆիդանը, փոխվարչապետներ Բյուլենթ Արընչն ու Բեշիր Աթալայը:
Հանդիպման ժամանակ Էրդողանը հայտարարել է, որ Սիրիայում հնարավոր ռազմական միջամտությունը նպատակ չի հետապնդի տապալել նախագահ Բաշար Ասադին և կուղղվի միայն նրա ուժերի թուլացմանը: Հանդիպման ժամանակ պայմանավորվածություն է ձեռք բերվել, որ Թուրքիան ուղիղ չի մասնակցի Սիրիայի դեմ օդային ռազմական հարվածներին և մյուս երկրներին միայն օգնելու է իրականացնել իրենց օդային հարձակումները:
Բացի այդ, Էրդողանը կարգադրել է խստացնել Սիրիային սահմանակից նահանգներում անվտանգության միջոցառումները և այնտեղ ուղարկել հավելյալ զինվորական կոնտինգենտ ու ռազմական տեխնիկա:
