Իսրայելում հայտարարվել է ռեզերվիստների մասնակի զորահավաք՝ կապված Սիրիայի հետ
France-Presse լրատվական գործակալության փոխանցմամբ՝ Իսրայելի կառավարությունն օգոստոսի 28-ին որոշում է ընդունել հայտարարել գործող զորքերում ռեզերվիստների մասնակի զորահավաք: Չի հաղորդվում զինծառայության կանչված ռեզերվիստների ստույգ քանակը:
Հայտնի է միայն, որ նրանք առաջին հերթին ուժեղացնելու են Սիրիայի հետ սահմանին (երկրի հյուսիսում) տեղակայված ստորաբաժանումների անձնակազմը: Դրանից ժամեր առաջ էլ հայտնի էր դարձել, որ Իսրայելը երկրի հյուսիսում ծավալում է ՀՕՊ-ի ու ՀՀՊ-ի հավելյալ համալիրներ:
Իսրայելի ղեկավարության այս բոլոր գործողությունները հանդիսանում են հարևան Սիրիայում իրավիճակի սրման արձագանքը: Արևմուտքը պատրաստվում է օդային հարվածներ հասցնել Սիրիայում գտնվող օբյեկտներին՝ որպես այդ երկրում քիմիական զենք կիրառելու համար պատիժ:
