Իրաքի բանակը բերվել է մարտական բարձր պատրաստության՝ կապված Սիրիայի հետ
Բրիտանական Reuters լրատվական գործակալության փոխանցմամբ՝ այսօր Իրաքում մարտական բարձր պատրաստության են բերվել անվտանգության ուժերը: Դա կապված է Սիրիայի վրա Արևմուտքի հնարավոր ռազմական գործողության հետ: Այս մասին հայտարարել է Իրաքի պաշտպանության նախարարը:
Սրանից առաջ ամերիկյան NBC հեռուստաալիքը հայտնել էր, որ Սիրիայի դեմ ռազմական հարձակումը կարող է մեկնարկել արդեն իսկ վաղը: Բացի այդ, նշվել էր, որ այդ ռազմական գործողությունը տևելու է առավելագույնը երեք օր:
Սրանից առաջ իրաքյան կողմը հայտարարել էր, որ երկրի տարածքը չի տրամադրվի Սիրիային հարվածներ հասցնելուն՝ ընդգծելով, որ երկրի Սահմանադրությունն արգելում է երկրի տարածքը տրամադրել՝ հարևան երկրների վրա հարձակվելու համար:
