Պայթյուններ Դամասկոսի Սբ Սարգիս եկեղեցու մոտ. զոհվել է մեկ հայ (լրացված)
«Ազատություն» ռադիոկայանը հաղորդում է, որ Սիրիայում Հայաստանի դեսպանության տվյալներով՝ այսօր Դամասկոսի Սուրբ Սարգիս եկեղեցու մոտակայքում տեղի ունեցած պայթյունների հետևանքով զոհվել է հայազգի Հակոբ Սարգսյանը, կան վիրավորներ։
Մասնակիորեն վնասվել են Սուրբ Սարգիս եկեղեցու և կից գործող հայկական միջնակարգ դպրոցի պատերը։
NEWS.am-ին Հալեպում Հայկական Առաքելական եկեղեցու Բերիական թեմի մամուլի ծառայությունից հայտնել են, որ վիրավորվել են Թորոս Սարգսյանը եւ Ռաֆֆ Չապուրյանը: Մասամբ վնասվել են եկեղեցին եւ հայկական միջնակարգ «Թարգմանչաց» դպրոցի մերձակա շենքը:
