«Տարոնը 1 միլիոն լափել ա». Միջադեպ Երևանի քաղաքապետարանի դիմաց (տեսանյութ)
Քիչ առաջ միջադեպ տեղի ունեցավ Երևանի քաղաքապետարանի դիմաց, որտեղ գրեթե մեկ ամիս շարունակվում է մի քանի ակտիվիստների նստացույցը: Սակայն այսօրվա դեպքը բոլորովին այլ հարցի հետ էր կապված: Մի քանի քաղաքացիներ պահանջով եկել էին Երևանի քաղաքապետարան` քաղաքապետ Տարոն Մարգարյանի հետ հանդիպելու համար, սակայն նրանց որևէ մեկը չէր ցանկանում ընդունել: Պարզվեց, որ խնդիրը կապված է հողատարածքի հետ. քաղաքացի Կարինե Ղուկասյանը և նրա դուստրը` Նելլի Սիմոնյանը, ովքեր Դալմայի այգիներում ունեցել են 1000 ք/մ հողատարածք, պահանջում էին իրենցից գնված տարածքի գումարային փոխհատուցում:
Նելլի Սիմոնյանը հայտարարեց, որ Երևանի քաղաքապետարանը Դալմայի այգիները վաճառել է 1 մլն դոլլարով, որից իրենց պետք է տրվեր 10.000 դոլար փոխհատուցում: Նրանց խոսքերով` հողատարածքի գնորդը գումարն ուղարկել է Երևանի քաղաքապետարան, սակայն դրանք այդպես էլ իրենց չեն հասել: «Տարոնը 1 միլիոն լափել ա»,- հայտարարեց Նելլի Սիմոնյանը:
Նշենք, որ Կարինե Ղուկասյանը հայտարարել էր քաղաքապետարանի դիմաց նստացույց անելու մտադրության մասին, սակայն շուտով նրա ինքնազգացողությունը վատացավ, որի պատճառով եկավ շտապօգնության մեքենան:
Մանրամասները` առանց մեկնաբանության` 168.am-ի տեսանյութում:
