Վարչապետը կկասեցնի՞ Հովիկ Աբրահամյանին, Գագիկ Ծառուկյանին և Երվանդ Զախարյանին պատկանող գազալցակայանների աշխատանքները. մամուլ
«Առավոտ» օրաթերթը գրում է. «Մոտ մեկ ամիս առաջ էկոնոմիկայի նախարարության շուկայի և սպառողների շահերի պաշտպանության տեսչությունը խոստացել էր հանրապետության բոլոր գազալցակայաններում ստուգումներ կատարել և այն ընկերություններին, որոնք տեղադրած չեն լինի բաշխիչ աշտարակները՝ պատժել:
Նախ նշենք, որ բաշխիչ աշտարակների տեղադրման մասին որոշումը կառավարությունը դեռևս 2008 թվականին էր կայացրել. աշտարակների տեղաղրումով պիտի բացառվեր լցակայաններում կեղծարարությունը, գազի բալոններում ավել ճնշմամբ գազ լիցքավորելն ու, որ ամենակարորն է, ապահովվեր մեքենաների անվտանգությունը, քանի որ բաշխիչ աշտարակ ունենալու դեպքում ավել ճնշմամբ գազ լցնելն ուղղակի անհնար է:
Կառավարության որոշումից հետո մի քանի տարի գազալցակայանների սեփականատերերի մեծ մասը արտոնյալ պայամաններում էին աշխատում, քանի որ կառավարությունը որոշել էր հետաձգել իր պահանջը, մինչև համաշխարհային տնտեսական ճգնաժամը հաղթահարվի, քանի որ այդ ժամանակ տնտեսվարողները չէին կարող մեծ ծախսեր անել:
ճգնաժամն էլ ավարտվելուց հետո, էլի շատ տնտեսվարողներ շարունակեցին աշխատել առանց բաշխիչ աշտարակների, և սպառողներից գանձել «լևի» 500 դրամներ, ինչը աշտարակների առկայության դեպքում բացառվում է:
Տնտեսական ճգնաժամից հետո էլ «ճգնաժամ» սկսվեց ՀՀ վարշապետ Տիգրան Սարգսյանի և ԱԺ պատգամավոր և գազալցականների սեփականատեր Գագիկ Ծաոակյանի հարաբերությունների միջև: Ու, «Աոավոտի» տեղեկություններով, գազալցակայաններում խիստ ստուգումներն ու տուգանքները ևս մի որոշ ժամանակով հետաձգվել էին:
Մոտ 10 օր առաջ շուկայի և սպառողների շահերի պաշտպանության տեսչությունը ստուգումներ է իրականացրել և ավարտել ստուգումները գագալցակայաններում:
«Առավոտը» էկոնոմիկայի նախարարությանը մի շարք ընկերությունների վերաբերյալ հարցում է ուղարկել՝ արդյո՞ք դրանք տեղադրել են բաշխիչ աշտարակները, և որ ընկերություններն են, որոնք խուսափում են կատարել կառավարության որոշումը: Նախարարությունից խոստացան մեր հարցերին պատասխանել առաջիկայում: .
«Աոավոտի» տեղեկություններով, դեռևս մեկ տարի առաջ պարոն Ծաոուկյանին պատկանող «Մուլտի գազ» ՍՊԸ-ում բաշխիչ աշտարակներ տեղադրված չէին, սակայն վերջերս այս ընկերությունում 4 լցակայաններից 3-ում արդեն տեղադրվել է:
«Մուլտի լեոն» ընկերությունը, որը նույնպես Գագիկ Ծաոուկյանին է պատկանում, այս ընկերության գազալցակայանի 3 կետերից 2-ում տեղադրված են աշտարակներ, մեկն էլ՝ տեղադրման փուլում է, իսկ նույն գործարարին պատկանող «Օլիվեստա» ընկերությունում առայժմ տեղադրված չէ աշտարակ:
Արտաշատում «Արգ-Լև-Գազ» ընկերությանը պատկանող գազալցակայանում, որն ըստ մեր տեղեկությունների՝ պատկանում է ԱԺ նախագահ Հովիկ Աբրահամյանին, բաշխիչ աշտարակ տեղադրված չէ: Հովիկ Աբրահամյանին է պատկանում նաև «Արշագ» ընկերությունն իր ԱԳԼՃԿ-ով, այստեղ, թեև ամիսներ առաջ չկար աշտարակ, հիմա արդեն տեղադրված է:
Մեր տեղեկություններով, Երևանի նախկին քաղաքապետ, այժմ անշարժ գույքի կադաստրի պետական կոմիտեի նախագահ Երվանդ Զախարյանին պատկանող և մայրաքաղաքում գործող «Օկտան» ընկերության գազալցակայանում բաշխիչ աշտարակ տեղադրված չէ»:
«Առավոտը» թվարկում է մի շարք պաշտոնյաների անուններ, որոնց պատկանող լցակայաններում արդեն մեկ տեղադրված են աշտարակները և հավելում.
«Հաշվի առնելով, որ նախկինում կառավարության որոշումը շրջանցող ԱԳԼՃԿ-նեին խախտումով աշխատել թույլ է տվել ՀՀ վարչապետը, ապա ամենայն հավանականությամբ, միայն նրա արձակուրդից վերադառնալուց հետո ու միայն վարչապետի հրամանով կորոշվի՝ կասեցնե՞լ առանց բաշխիչ աշտարակների գազալցակայաննեի աշխատանքները, թե՝ «շանս տալ»»:
Ամբողջական հոդվածը կարող եք կարդալ «Առավոտի» այսօրվա համարում:
