Ընտրելու իրավունքը` 16 տարեկանից
Մեծ Բրիտանիայի Լեյբորիստական կուսակցությունը ցանկանում է ընտրություններին մասնակցության տարիքային շեմն իջեցնել. առաջարկվում է քվեարկելու իրավունք տալ արդեն 16 տարեկանից, հաղորդում է The Sunday Times-ը:
Բարեփոխումների նախագիծը կներկայացվի մինչեւ 2020 թ. ընտրությունները, եթե, իհարկե, լեյբորիստներին հաջողվի մինչեւ 2015թ-ը վերադառնալ իշխանության, գրում է պարբերականը: Նախագիծը դիտվում է որպես լեյբորիստների ընտրազանգվածն ընդլայնելու փորձ, քանի որ կուսակցությունում վստահ են, որ երիտասարդները հակված չեն քվեարկելու պահպանողականների օգտին:
