Աղքատության նպաստ ստացողների թիվն ավելացել է 15%-ով
2012թ. դեկտեմբերի 31-ի դրությամբ աղքատության ընտանեկան նպաստ և միանվագ դրամական օգնություն ստացող ընտանիքների քանակը կազմել է 111,412, որի 90.5%-ը բաժին է ընկել աղքատության ընտանեկան նպաստ ստացող ընտանիքներին: Ընդ որում՝ այս ընտանիքների քանակը 2011 թ. դեկտեմբերի 31-ի համեմատ ավելացել է 15%-ով (2011թ. դեկտեմբերի 31-ի դրությամբ աղքատության ընտանեկան նպաստ և միանվագ դրամական օգնություն ստացող ընտանիքների քանակը կազմել է 96358):
Ազգային վիճակագրական ծառայության հրապարակած տվյալների համաձայն՝ աղքատության ընտանեկան նպաստ և միանվագ դրամական օգնություն ստացող ընտանիքներն ամենաշատն են Լոռիում՝ 20,833, ապա Երևանում՝ 17,891, Շիրակում՝ 16,679, և Գեղարքունիքնում՝ 14,482:
