«Այդ լուրերը տարածողներին ես ավելի շուտ կհուղարկավորեմ». մամուլ
«Հրապարակ» օրաթերթը գրում է. «Արարատի մարզի Մասիսի քաղաքապետ, ՀՀԿ անդամ Ալեքսանդր Հակոբյանի առողջական վիճակը, ըստ լուրերի, վերջին շրջանում բավականին ծանր է: Համաքաղաքացիների խոսքերով, նա բնակիչների ընդունելություն չի անում, գործերով գրեթե չի զբաղվում: Մասիսում լուրեր են պտտվում, որ պետք է պատրաստվել քաղաքապետի արտահերթ ընտրության:
Մեր զանգին քաղաքապետ Ալեքսանդր Հակոբյանը դժկամությամբ արձագանքեց. «Ես առողջական խնդիրներ ունեմ ու չեմ ցանկանում առայժմ հարցազրույց տամ»: Իսկ իրականությանը համապատասխանո՞ւմ են լուրերը, որ պատրաստվում եք հրաժարական տալ: «Ոչ, այդ լուրերը տարածողներին ես ավելի շուտ կհուղարկավորեմ»»: