Որտեղի՞ց 10 միլիոն դոլար «Փարկինգ Սիթի Սերվիս»-ի սեփականատիրոջը
Երևանի ամբողջական կահավորումը վճարովի ավտոկայանատեղերի համար նախատեսվում է ավարտել 2014-ի ավարտին: Մինչև 2014-ի ավարտը «Փարկինգ Սիթի Սերվիս» ընկերությունը պատրաստվում է կատարել 10 մլն դոլարի ներդրում, կահավորել 20 հազար ավտոկայանատեղի, իսկ ընդհանուր տեսախցիկների թիվը կանցնի 5 հազարը: Այս մասին այսօր լրագրողների հետ հանդիպման ժամանակ ասաց «Փարկինգ Սիթի Սերվիս» ՓՊԸ-ի տնօրեն Վազգեն Հարությունյանը։
Վերջինս նաև տեղեկացրեց, որ որ ընկերության հիմնադիրը Տիգրան Հարությունյանն է։ Իսկ հարցին՝ որտեղի՞ց է Տ. Հարությունյանը կարողացել 10 մլն դոլար գումար գտնել՝ ներդնելու համար, պատասխանեց. «Ներգրավված վարկային միջոցների, փոխառությունների հաշվին»:
Ավելացնենք, որ ըստ որոշ տեղեկությունների, «Փարկինգ Սիթի Սերվիս» ընկերության իրական սեփականատերը ԴԱՀԿ ծառայության պետ Միհրան Պողոսյանի եղբայրն է։
