Թուրքիայի ԱԳՆ-ն արձագանքել է հայ-թուրքական սահմանին հովվի սպանությանը
Թուրքական Anadolu լրատվական գործակալության փոխանցմամբ՝ Թուրքիայի ԱԳՆ-ը հայտարարություն է տարածել՝ կապված հայ-թուրքական սահմանին 35-ամյա հովվի սպանվելու հետ.
«Հայ-թուրքական սահմանի վերջին միջադեպը, որի հետևանքով սպանվել է Թուրքիայի քաղաքացի, ցույց է տալիս, որ Հայաստանին անհրաժեշտ է պահպանել առողջ մտածելակերպ հարևան երկրների հետ հարաբերություններում և Հարավային Կովկասի տարածաշրջանում կայունություն հաստատելու համար:
Մենք կտրականապես դատապարտում ենք սահմանն ամբողջովին պատահականորեն հատած Թուրքիայի անմեղ քաղաքացու վրա կրակելն ու անհամաչափ ուժ գործադրելը: Դրա հետ կապված՝ ձեռնարկվելու են դիվանագիտական անհրաժեշտ միջոցներ»:
