Իտալական ոստիկանությունը խոշոր գործողություն է ձեռնարկել մաֆիայի դեմ
Իտալական Il Messaggero թերթի փոխանցմամբ՝ Իտալիայի իրավապահ մարմինները գիշերը լայնամասշտաբ գործողություններ են իրականացրել կազմակերպված հանցավորության դեմ պայքարի շրջանակներում: Դրա արդյունքում Հռոմում ձերբակալվել է 51 մարդ:
Իտալիայի մայրաքաղաքում իրականացված գործողությանը մասնակցել են մոտ 500 ոստիկաններ, ուղղաթիռ, ինչպես նաև վարժեցված շներ և ծովային ոստիկանության պարեկներ: Ձերբակալվել են մի շարք մաֆիոզ կլանների անդամներ, որոնք տարիների ընթացքում վերահսկել են Հռոմում ապօրինի գործունեությունը:
Մաֆիային հարված է հասցվել նաև երկրի հարավում գտնվող Կատանձարո քաղաքում, ուր ձերբակալվել է 65 մարդ, այդ թվում նաև տեղի քաղաքական գործիչներ, ձեռնարկատերեր ու փաստաբաններ:
