«Արաղ-թութուն-ախպերություն». մամուլ
«Երեկ ՀՀ կառավարության հերթական նիստի ժամանակ Տիգրան Սարգսյանը հարցերից մեկի քննարկմանը անդրադարձավ ակցիզային հարկին և օգտագործեց «…երբ խոսքը վերաբերում էր արաղի և ծխախոտի ակցիզային հարկի…» արտահայտությունը,- գրում է «Հայկական ժամանակ» օրաթերթն ու շարունակում.
Իսկ հարցը վերաբերում էր այսպես կոչված «շքեղության հարկին»: «Հիմա այս հարցը բարձրացնում են մեր քաղաքացիները, և այն տրամադրությունները, որ տիրում են այսօր Հայաստանում, Երևանում, համահունչ են այն բանին, որ այս հարկատեսակը կարող է լրացուցիչ մուտքեր ապահովել բյուջեում»,- ասել է վարչապետը:
Նկատենք, որ օլիգարխներին շքեղության հարկով հարկելու պահանջը հստակ ձևակերպվել և հնչել է դեռ 3-4 տարի առաջ: Սակայն Տ. Սարգսյանի կառավարությունը անտրամաբանական պատճաոաբանություններով մերժեց այն: Պարզ էր, որ կառավարությունը «արաղ-թութուն-ախպերություն» է անում օլիգարխների հետ: Ու հիմա էլ այդ հարկատեսակը դժվար թե կիրառվի»
