Իրանը կարող է ԼՂՀ-ի շնորհիվ ընդլայնել տարածաշրջանում իր տնտեսական պոտենցիալը. փորձագետ
Ռուսական Regnum լրատվական գործակալությանը երեկ տված հարցազրույցի ժամնանակ Ռազմավարական զարգացման մոդելավորման կենտրոնի փոխնախագահ Գրիգորի Տրոֆիմչուկը հայտարարել է, որ Իրանը կարող է ԼՂՀ-ի շնորհիվ ընդլայնել տարածաշրջանում իր տնտեսական պոտենցիալը, ինչը կարող է շահավետ լինել նաև անձամբ ԼՂՀ-ի համար.
«Ղարաբաղի հարևանությամբ վիթխարի Իրանն է, որն ունի տնտեսական մեծ պոտենցիալ, և որը շատ ավելի հզոր է, քան՝ Հայաստանը: Եթե Երևանը զարգացնում է Թեհրանի հետ համագործակցությունը, ապա ինչո՞ւ Լեռնային Ղարաբաղը չպետք է գնա նույն ճանապարհով:
Թեև ներկայումս տարածաշրջանում Իրանի ազդեցության մեծացումը չի մտնում ԱՄՆ-ի ու ԵՄ-ի պլանների մեջ, վերջիններս այժմ զբաղված են այլ խնդիրներով: Այսօր նրանց ուշադրությունը գամված է Մերձավոր Արևելքում և մասնավորապես Սիրիայում տիրող ընդհանուր լարվածության, ինչպես նաև Հյուսիսային Աֆրիկայում՝ Եգիպտոսում, իրադարձությունների կտրուկ զարգացման վրա:
Այժմ Իրանի ու Լեռնային Ղարաբաղի համար հնարավորություն է ստեղծվել մերձեցման գործընթաց սկսելու համար: Եթե այն սկսվի, ապա կլինի դանդաղ, սակայն՝ լուրջ: Այս հարցում Մերձավոր Արևելքում առկա անկայունությունը ձեռնտու է Թեհրանին: Սակայն այդ անկայունությունը չի կարող տևել հավերժ»:
