Արտագաղթ՝ ԱԺ-ում. մամուլ
«Հայկական Ժամանակ» օրաթերթը գրում է. «ԱԺ ԲՀԿ խմբակցության պատգամավոր Տիգրան Ստեփանյանը, ով վերջին շրջանում լուրջ խնդիրներ ունի իր բիզնեսում, մտերիմների շրջանում դժգոհելով ստեղծված վիճակից, ասել է, թե երկրից արտագաղթելու մտադրություն ունի:
Ստեփանյանը Վճռաբեկ դատարանի որոշմամբ սնանկ է ճանաչվել: Այդ մասին երեկ լրատվամիջոցներին հայտնել են ՎՏԲ-Հայաստան բանկի լրատվական ծառայությունից:
Բանն այն է, որ ԲՀԿ-ական պատգամավորը վարկ էր վերցրել սույն բանկից և չէր կարողացել կատարել ստանձնած պարտավորությունները: ՎՏԲ-ն անցյալ տարեվերջին հայց էր ներկայացրել դատարան՝ Ստեփանյանի հարկադիր սնանկության պահանջով:
Պատգամավորը նախկինում հերքում էր, որ վարկ է վերցրել: Իսկ երեկ արդեն նրա հետ խոսել ընդհանրապես հնարավոր չէր. նրա բջջային համարն այլևս գոյություն չուներ»:
Շարունակությունը՝ «ՀԺ»-ի այսօրվա համարում:
