Բորուսիայի 10 համարի մարզաշապիկը Մխիթարյանինն է. պաշտոնական
Դորտմունդի «Բորուսիայի» պաշտոնական կայքը հաստատել է, որ Հայաստանի հավաքականի կիսապաշտպան Հենրիխ Մխիթարյանը գերմանական ակումբում կկրի 10 համարի մարզաշապիկը:
«Այս տրանսֆերն այքան էլ հեշտ չտրվեց, սակայն մենք շատ էինք ցանկանում մեր թիմում տեսնել Հենրիխին, և այժմ նա մեզ հետ է,- ասել է «Բորուսիայի» գործադիր տնօրեն Հանս-Յոահիմ Վատցկեն:
«Շատ ուրախ ենք, որ այժմ կարող ենք ներկայացնել թիմի կիսապաշտպանության ուժեղացման ուղղությամբ մեր գերհզոր ձեռբերումը»,- նշել է ակումբի մարզական տնօրեն Միխայիլ Ցորկը:
