«Գեզի» այգին կվերաբացվի օրեր անց. Ստամբուլի նահանգապետ
Թուրքական Todays Zaman թերթի փոխանցմամբ՝ «Գեզի» այգին, որը փակ է ավելի քան երկու շաբաթ, բնակչության համար կբացվի մի քանի օր անց՝ քաղաքային աշխատանքների ավարտից հետո:
Այս մասին հայտարարել է Ստամբուլի նահանգապետ Հուսեին Ավնի Մութլուն: «Գեզի» այգու վերակառուցման հետ կապված՝ մայիսի 31-ից Թուրքիայում անցկացվում են բողոքի ակցիաներ:
Ոստիկանությունը «Գեզի» այգին և «Թաքսիմ» հրապարակը ցուցարարներից ամբողջովին մաքրել են հունիսի 15-ին:
